தாருல் உதவும் கரங்கள் என்ற நமது டிரஸ்டின் நோக்கம் பன்முகத்தன்மை கொண்டது. அனாதை குழந்தைகளுக்கு விரிவான ஆதரவையும் பராமரிப்பையும் வழங்குவது; நிறைவான வாழ்க்கையை நடத்த அவர்களுக்குத் தேவையான உதவிகள் அளிப்பது.

அதன்படி தந்தை இழந்த, தாய் தந்தை இழந்த குடும்பத்திலிருந்து விண்ணப்பங்கள் பெறப்பட்டு, நிர்வாகத்திலிருந்து இரண்டு குழுவாக சென்று, அவர்களின் உண்மை நிலையை கண்டறிந்து (தந்தையின் இறப்புச் சான்றிதழ் மற்றும் ஆவணங்கள் பெறப்பட்டு) அவர்கள் தகுதி உடையவர்களாக இருக்குமாயின் அவர்களைத் தேர்வு செய்வோம்.

எங்களின் முதன்மையான குறிக்கோள் எங்கள் பராமரிப்பில் உள்ள ஒவ்வொரு குழந்தைக்கும் தரமான கல்வியை கொடுத்து மாறிவரும் உலகில் அவர்களின் முன்னேற்றத்திற்கு தேவையான அறிவுத்திறன்கள் மற்றும் நம்பிக்கையுடன் அவர்களை தயார் படுத்துவது. இன்னும் அவர்களுக்கு தேவையான உணவு, உடை, கல்வி மற்றும் சுகாதாரம், மட்டுமல்லாமல் அவர்களை நல்லொழுக்கம் உள்ளவர்களாக உருவாக்குவதற்கு நாங்கள் கடமைப்பட்டுள்ளோம்.

இன்னும் எங்கள் பணி இரக்கம், பச்சாதாபம் மற்றும் சமூகப் பொறுப்பு ஆகியவற்றின் கொள்கைகளில் ஆழமாக வேரூன்றி அனாதை பிள்ளைகளின் சூழ்நிலைகளுக்கேற்ப உதவிக்கரம் நீட்ட நாங்கள் உறுதி எடுத்தோம்.